Concours de Blois

Publié le par jelk

Fontaine de N.D. de Kerdevot en Ergué Gabéric photo Jalm
cliquez sur la fontaine

Je meurs de soif auprès de la fontaine ;

Je treuve doulx ce qui doit estre amer ;
J'aime et tiens chiers tous ceulx qui me font haine,
Je hé tous ceulx que fort je deusse amer ;
Je loue ceulx que je deusse blamer,
Je prens en gré plus le mal que le bien ;
Je vais querant ce qu'à trouver je doubte ;
Croire ne puis cela que je sçay bien,
Je me tiens seur de ce dont plus j'ay doubte.

Je prens plaisir en ce qui m'est atayne ;

Ung peu de chose m'est grant comme la mer ;
Je tiens de près celle qui m'est loingtaine,
Je garde entier ce que deusse entamer,
Saoul suis de ce qui me fait affamer ;
J'ay largement de tout, et si n'ay rien,
J'oublie ce que plus à cuer je boute ;
Ce qui me lasche me tient en son lien :
Je me tiens seur de ce dont plus j'ay doubte.

Je tiens pour basse chose qui est haultaine ;

Je fuy tous ceulx que deusse reclamer,
Je croy plus tard le vray qu'une fredaine ;
Tant plus suis froit, plus me sens enflamer ;
Quand j'ay bon cuer, lors je prens a pasmer,
Ce que j'acquiers je ne tiens pas pour mien,
Je prise peu ce qui bien chier me couste ;
Sote manière m'est plus que beau maintien,
Je me tiens seur de ce dont plus j'ay doubte.

Prince, j'ay tout, et si ne sçay combien :

J'atire à moy ce qui plus me déboute ;
Ce que j'esloigne m'est plus qu'autre rien ;
Je me tiens seur de ce dont plus j'ay doubte.

Jean ROBERTET (1405-1492)

Publié dans ballades

Pour être informé des derniers articles, inscrivez vous :

Commenter cet article

Joël Bécam 17/12/2008 07:09

" Baguenaudes ", Jean-Luc, me permet de découvrir des formes poétiques dont, je dois l'avouer, j'ignore pratiquement tout... Merci pour cette découverte. Je trouve qu'il y a comme un "exercice de style" (allusion transparente à Raymond Queneau !) dans ce poème de Jean Robertet qui cultive le paradoxe avec un bel aplomb !

colette 14/12/2008 10:10

Belle idée que ce concours de ballades qui semble en a avoir inspiré plus d'un, même au XXIème siècle !Jean-Luc pourrrait gagnerpremier prix autrefoisdonné à Sieur Françoismais il est si courtoisqu'il cite ... Robertet